بسم الله نبدا
اولا العرائس القصيرات
لو انتى قصيرة يجب تجنب الفساتين القطعتين الفستان يبقى قطعة واحدة و لو عاوزاه منفوش (النفشه دى موضوع مهم جداهنتكلم فيه لاحقا)ميكونش منفوش من الوسط النفشه تكون من اخر مكان فى البطن او تحت كدة على اد ماتقدرى زى الموديلات دى
ثانيا لو كنتى قصيرة و ممتلئه الجسم يفضل فستان تايبست بنفشه بسيطة زى كدة
اما اذا كنتى قصيرة و رفيعة فموديلات االمنفوشة زى كدة هى الى تليق عليكى
نصائح هامة لاصحاب الجسم الممتلئ عموما يجب تجنب شغل التطريز الكتير التطريز يبقى بسيط و بخطوط طوليه
يجب تجنب قدر الامكان شغل الدرابنج او الكشكشات و التنيات و ان وجد يكون خطوط رفيعة و باقل حجم ممكن
عند تقفيل الفستان محجبات يجب تجنب لبس البديهات و من الاحسن الفستان يبقى كامل او تلبسى برورو
يجب عدم تجسيم الفستان بشكل كامل يعنى يكون فى وسع بسيط من الجانبين
لاصحاب الصدر الممتلئ الفستان الى رقبته حرف v احسن انواع الفساتين الى بتلم الصدر يجب تجنب الكب
و للحديث بقيه يتبع........................
ثانيا البنات الطويله عشان متزعلوش مع ان الطول مش ديفوه اوى زى القصر
اولا الطول المعقول يعنى لحد 170 سم مع الجسم الرشيق الملفوف زى ما بيقولو لها مطلق الحريه فى لبس اى موديل المنفوش او التايبس او السمكة او الصق
اما الطول مع الجسم الممتلئ اولا يجب تجنب الفستان القطعتين يكون قطعة واحدة و منفوش نفشه بسيطة اوى و يفضل مش منقوش
اما مشكله الطول مع عرض الكتاف فتجنيى الكب نهائيا و البسى فستان بكم جابونيز او فتحه حرف v واسعة شويه زى كدة
و كمان البورور الشيفون او التول او الدانتيل اى بالشكل دة حل اوى لاصحاب الكتف العريض عموما
اما اذا كنتى طويله و رفيعة فالفستان المنفوش احسن حل ليكى خصوصا المنفوش من الوسط زى كدة
نصائح للرفيعات عموما اولا تجنبى لبس الفستان الضيق اختار الفستان الى فيه ثنيات اوكشكشات او الدرابنج
اكثرى من التطريز العرضى
اذا كنتى رفيعة من فوق و مليانه من من الاجناب فيفضل لبس فستان ضيق لحد مكانالامتلاء ثم ينفش تدريجيا زى كدة
يتبع ان شاء الله .........................
نكمل يا بنات فى اجسام بتعانى من بعض الديفوهات فى مناطق معينه زى مثلا الجسم النحيف من فوق و الممتلاء من الجز السفلى هنا لو كانت قصيرة يبقى الفستان يكون قطعة واحدة منفوش من اسفل البطن و الجزء السفلى هادى جدا مفهوش تطريز كتير او سغل و الجزء العلوى يكون مطرز بالكامل او فى درابنج او كشكشات او تنيات زى كدة و يكون الصدر مبطن ببرا سفنج
اما اذا كانت طويله و بتعانى نحافة من الجزء العلوى و امتلاء فى الجزء السفلى فيفضل لبس فستان قطعتين بنفس الوصف السابق زى كدة
اما زذا كان الجسم ممتلى من الجزء العلوى و نحيف من الجزء السفلى فانسب موديل ليه الفستان المنفوش نفشة بسيطة من تحت الصدر سواء قصيرة او طويله زى كدة
نكمل يا قمرات انا اسفة امبارح جيت هلكانه من الاتيليه معرفتش اكمل معاكو بليل دعواتكم معايا
فى حاجة مهمة جدا لازم تخدى بالك منها و انتى بتختارى فستان الزفاف و دة هتبقى رد على استفسارات كتير بخصوص الكتاف العريضة او الجسم العريض بصفة عامه و هى نفشة الجيبونه نفشة الجيبونه من الحاجات المهمة جدا الى بتدى للفستان شكل مظبوط و مميز
نفشة الجيبونه يجب ان تكون من تحت او اكبر جزء منفوش فيها فى مستوى عرض الكتف او اكتر حاجة بسيطة اوى لكن من اقل اواكتر بكتير و دا عشان يبقى الجسم متناسق و متجانس مع بعضة لاحطوا معايا الصور دى
اما اصحاب الجسم الرفيع فنفشة الجيبونه بتيقى كبيرة عشان تدى حجم و مساحة للجسم ومع وضع حركات و لمسات على الكتف لتعريضه لو كان كنز او اعطاء مساحة للصدر عن طريق الدرابنج او الكشكشات او.......................الى اخره
و منذ فترة قصيرة ظهرت موضه الجيب المنفوشه اوىىىىىىىىىىى او بشكل كبيييييييييير و النوع دة من الفساتين مش بيليق الا على اصحاب جسم معين و مميز جدا و هو من وجه نظرى الجسم المثالى او اجسام المانيكانات
