حيل الله اقوى

حيل الله اقوى


-

حيل الله اقوى مابقى في يـدي شـيّ
مافيـه حـل ٍ فـي يدينـي ذخرتـه

حاولت .. لكن المحاصيل هـيّ هـيّ
الطيـر طـار ولا بقـى الا شجرتـه

وقفّت اشوف شويّ واغمّض شـويّ
واللي انكسر في خاطـري ماجبرتـه

لين الحقت شمسي على بـارد الفـيّ
وشفت ان كل اللي جمعتـه خسرتـه

من كثر ماعزيت ريقي عـن المـيّ
ملّ الصبر من كثر صبـر ٍ صبرتـه

كم هقوة ٍ ضاعت على سكـة الغـيّ
وكم حلم ف( تراب ) الحقيقه قبرتـه

واقف .. وطعنات الزمن كلهـا فـيّ
وساقي لو انـه كـلّ منـي كسرتـه

بعد ماعاش اليأس في احساسي الحيّ
اخوي .. لو هو صد عنـي عذرتـه

مدري عن اللي كنت احسبه بقى لـيّ
اللي حزمت ابـه الضلـوع وذكرتـه

اللي طوى حالي بحكم الهـوى طـيّ
قصّر .. وانا كل الطريق اختصرتـه

ماهو خطاء لاقلت ( تأمر على شيّ )
الا الخطاء لا اشتقت لـه وانتظرتـه

صح لسان قايلها

كلمات روووعة راقت لي
كل الشكر وألآمتنآن
على روعة ماخطته يدآكـ


نترقب المزيد من جديدكـ
ودي وشذى الورد

/’-’